Ատամնաբուժական կաբինետ

Առողջ ատամներն ողջ օրգանիզմի առողջության գրավականն են: Oրգանիզմի առողջությունը պահպանելու կարևոր նախապայմաններից է ատամների պարբերաբար խնամքը, ատամների և լնդերի բոլոր հնարավոր հիվանդությունների կանխարգելումը: 

«ՍԱՆՈՒՍ ՎԻՏԱ» բժշկական կենտրոնում դուք կարող եք օգտվել փորձառու, բարձր որակավորում ունեցող մասնագետի ծառայություններից:

Ատամնաբուժական միջամտություններից առաջ անհրաժեշտության դեպքում կատարվում է ռենտգեն հետազոտություն˴ նոր սերնդի թվային ռենտգեն սարքավորմամբ: Վերջինիս կիրառման ժամանակ ճառագայթման չափաքանակը նվազագույն է, որը անվնաս է առողջության համար:

Ատամնաբույժի կաբինետում տեղադրված ստոմատոլոգիական համասարքին հարմարեցված հատուկ տեսախցիկի օգնությամբ մոնիտորի վրա առավել տեսանելի են դառնում բերանի խոռոչում առկա խնդիրները: Մոնիտորի վրա այցելուն կարող է ցանակացած պահի հետևել բժշկի գործողությունների ընթացքին, տալ իր հավանությունը կամ միջամտել սեփական առաջարկներով: 

Նախքան ատամնաբուժական բուն գործողությանն անցնելը˴ կատարվում է բերանի խոռոչի սանացիա` մանրէազերծում, որպեսզի բացառվի օտար մարմինների և վարակների ներթափանցումը հիվանդ օջախ:

Այսօր ատամների ցավոտ հեռացումն ու բուժումն անցյալում են մնացել: Կենտրոնում ստոմատոլոգիական բոլոր գործողությունները իրականացվում են առանց ցավի և հնարավորինս առանց հետագա բարդությունների: 

Առաջարկվում են ատամնաբուժական հետևյալ ծառայությունները` 

• Ատամնաբույժի անվճար խորհրդատվություն

• Թերապևտիկ ատամնաբուժություն 

• Ատամների վերականգնում

• Օրթոպեդիկ ատամնաբուժություն

• Վիրաբուժական ատամնաբուժություն

• Ռենտգեն ախտորոշում

Գրանցվելու համար զանգահարեք հետևյալ հեռախոսահամարով՝ +(374) 10 32-01-01 կամ գրանցվեք կայքի միջոցով՝ առցանց հայտ ուղարկելով:

Հասցե՝ ք. Երևան, Կիևյան 16