Լաբորատոր հետազոտություն

ԱՀԿ տվյալների համաձայն աշխարհի բուժհիմնարկներում իրականացվող հետազոտությունների կեսից ավելին կազմում են լաբորատոր հետազոտությունները: Լաբորատոր թեստերը, հանդիսանալով օբյեկտիվ հետազոտության մեթոդներ, հաճախ  հանդիսանում  են պացիենտի վիճակը գնահատող ավելի  զգայուն ցուցանիշներ, քան նրա ինքնազգացողությունը: 

«Սանուս  Վիտա» բժշկական կենտրոնում առկա են բոլոր պայմանները որակյալ լաբորատոր հետազոտության և հնարավոր կարճ ժամանակում բարձր ճշգրտության պատասխաններ ստանալու համար: Կենտրոնի լաբորատորիան հագեցած է համաշխարհային պրակտիկայում լավագույնը ճանաչված վերջին սերնդի,  ամբողջովին  ավտոմատ սարքավորումներով` Roche Diagnostics (Գերմանիա), Sysmex (Ճապոնիա), Diagnostica Stago (Ֆրանսիա): Աշխատանքում կիրառվում են ամենաորակյալ ռեագենտները և ծախսանյութերը: Անալիզատորներն իրենցից ներկայացնում են փակ համակարգեր և աշխատում են բացառապես «Roche Diagnostics»-ի արտադրության ռեագենտներով: Բոլոր ռեագենտները պահպանվում են հատուկ ջերմաստիճանային պայմաններում և պարբերաբար ենթարկվում են ստուգիչ թեստավորման: Համակարգի աշխատանքում մարդու միջամտությունը հասցված է նվազագույնի, հետևաբար մարդկային գործոնով պայմանավորված սխալները գրեթե բացառված են:  Դրանից բացի համակարգի առավելություններից է նաև անալիզների ստացման կարճ ժամանակն ու բարձր ճշգրտությունը, թեստերի լայն դիապազոնը, որը հնարավորություն է տալիս առավել ճշգրիտ ախտորոշել հիվանդությունը և իրականացնել անցկացվող բուժման հսկողությունը:

 Հասկանալով, որ լաբորատոր գործը արագորեն զարգանում է, մեր կենտրոնը աշխատում է քայլել այդ զարգացմանը համընթաց^˴ ձգտելով ընդլայնել և թարմացնել իր լաբորատոր բազան:

Ներկա ժամանակ  կենտրոնում բարձր պրոֆեսիոնալ  մակարդակով իրականացվում են բազմաթիվ անալիզներ` կենսաքիմիական, ընդհանուր կլինիկական, օնկոլոգիական, հորմոնալ, միզասեռական հետազոտություններ, ինֆեկցիաների ախտորոշում և այլն:   Թեստերի սպեցիֆիկությունը և զգայնությունը ապացուցված է և անվիճելի: Անալիզների իրականացումը հսկվում է ամբողջ ընթացքում` բիոմատերիալի վերցման պահից մինչև արդյունքների տրամադրումը:  Լաբորատորիայում աշխատում են բարձր որակավորում ունեցող  փորձառու մասնագետներ:
Կենտրոնում մեծ ուշադրություն է դարձվում սպասարկման մակարդակին: Դուք հնարավորություն ունեք նաև տեսնել լաբորատորիայում կատարվող  գործընթացը: Հիմնականում սարքերը   ունեն մեծ հիշողություն, և անհրաժեշտության դեպքում կարելի  է վերանայել արդյունքները: 

Անալիզների արդյունքները կարող եք ստանալ առձեռն, ֆաքսով կամ էլեկտրոնային փոստով:


Գրանցվելու համար զանգահարեք հետևյալ հեռախոսահամարով՝ +(374) 10 32-01-01 կամ գրանցվեք կայքի միջոցով՝ առցանց հայտ ուղարկելով:

Հասցե՝  ք. Երևան, Կիևյան 16